Қазақстан цифрлық қызметтердің қолжетімділігі бойынша әлемнің ТОП-10-в

Қазақстан цифрлық қызметтердің қолжетімділігі бойынша БҰҰ рейтингінде оныншы орында тұр. Рейтинг әлемнің жүз тоқсан үш елін қамтиды, онда Қазақстан тіпті әлемнің жетекші экономикаларын – екінші ондыққа енген Америка Құрама Штаттары, Қытай және БАӘ-ні де айналып өтті.

Цифрлық қызметтер бойынша әлемдік рейтингтің алғашқы бестігіне Оңтүстік Корея, Дания, Эстония, Сауд Арабиясы және Украина кіреді. Әрі қарай рейтингте Сингапур, Ұлыбритания, Жаңа Зеландия және Жапония орналасқан.

Бір қызығы, ТМД-ның басқа елдері цифрлық форматта қызметтердің ену деңгейі әлдеқайда төмен. Мәселен, елу үшінші орында Армения, елу алтыншы орында – Ресей, елу тоғызыншы орында – Өзбекстан.

Цифрландыруды белсенді енгізу және ел экономикасының негізгі секторларын дамыту арқасында Қазақстан үздік ондыққа енді. Соңғы мәліметтерге сәйкес, республикада мемлекеттік қызметтердің цифрлық форматта қолжетімділігі 93 пайызға жетті.